प्रधानमन्त्री पुष्पकमल दाहाल ‘प्रचण्ड’ले आज बिहान काठमाडौं–तराई/मधेस द्रुत मार्गको निरिक्षण अवलोकन गर्नुभएको छ ।
प्रधानमन्त्रीले द्रुत मार्गका विभिन्न निर्माण भइरहेका विभिन्न खण्डहरुमा पुगी अवलोकन गर्नुभएको हो । उहाँका साथमा उपप्रधान तथा रक्षामन्त्री, भौतिक तथा यातायात व्यवस्था मन्त्री, अर्थ मन्त्री, मुख्य सचिव, सचिवहरु र नेपाली सेनाका प्रधान सेनापति समेत रहनुभएको छ ।
निर्माणको प्रारम्भ गर्दा १ खर्ब १२ अर्ब खर्च अनुमान गरिएको भएपनि हाल आएर १ खर्ब ८० अर्बको हाराहारीमा पुग्ने जनाइएको छ । २०७४ साल वैशाख २१ मा नेपाली सेनाले निर्माणको जिम्मा पाएको द्रुत मार्ग ४ वर्षमा सम्पन्न गर्नुपर्ने सम्झौता थियो तर कोरानासहित अन्य कारणले यसको निर्माणमा ढिलाई हुँदै गएको छ ।
