काठमाडौं । हाल सञ्चालनमा रहेका राष्ट्रियस्तरका विकास बैंकहरुले चालु आर्थिक वर्षको दुई महिना (साउन र भदौ)मा १ अर्ब ६२ करोड रुपैयाँ बढी नाफा आर्जन गरेका छन्।
नेपाल राष्ट्र बैंकले आज सार्वजनिक गरेको तथ्यांकअनुसार राष्ट्रियस्तरका ८ वटा विकास बैंकले दुई महिनामा १ अर्ब ६२ करोड ९९ लाख रुपैयाँ नाफा आर्जन गरेका हुन्। यो अवधिमा सर्वाधिक नाफा कमाउने विकास बैंकमा मुक्तिनाथ रहेको छ। मुक्तिनाथले यो दुई महिनामा ३२ करोड ५८ लाख रुपैयाँ नाफा आर्जन गरेको छ।
भदौसम्म ज्योतिले १९ करोड ६२ लाख रुपैयाँ, कामना सेवाले १७ करोड ६९ लाख रुपैयाँ, महालक्ष्मीले १७ करोड १४ लाख रुपैयाँ, सांग्रिलाले १४ करोड ३० लाख रुपैयाँ र लुम्बिनी विकास बैंकले ११ करोड १८ लाख रुपैयाँ नाफा आर्जन गरेका छन्।
