काठमाडौँ । नेपाल प्रिमियर लिग (एनपीएल) मा पोखरा एभेन्जर्सविरुद्ध विराटनगर किंग्सले टस जितेर ब्याटिङ रोजेको छ ।
त्रिवि क्रिकेट मैदानमा अहिले केहीबेरमा सुरु हुने खेलमा विराटनगरका कप्तान सन्दीप लामिछानेले टस जितेर ब्याटिङ रोजेका हुन् ।
विराटनगर किङ्स र पोखरा एभेन्जर्स दुवै जितको खोजीमा हुनेछन् ।
आजको खेल जित्ने टोलीको प्लेअफको सम्भावना कायमै रहनेछ । हार्ने टोली भने प्लेअफको होडबाट बाहिरिनेछ ।
लुम्बिनी लायन्स एनपीएल प्लेअफ होडबाट बाहिरिने पहिलो टोली बनेको छ ।
